فیس بک جنوری میں اپنی ڈیجیٹل کرنسی ’لبرا‘ متعارف کرانے کو تیار

Print Friendly, PDF & Email

عالمی خبر رساں ادارے کے مطابق فیس بک نے اپنی ڈیجیٹل کرنسی کو ایک ماہ بعد یعنی جنوری 2021ء کے پہلے ہفتے میں پیش کرنے کا اعلان کردیا ہے۔ فیس بک کے سربراہ مارک زکر برگ گزشتہ برس سے اپنی ڈیجیٹل کرنسی ’لبرا‘ کو متعارف کرانے کے لیے سرتوڑ کوشش کررہے تھے۔ غیر ملکی جریدے کے مطابق لبرا کی لانچنگ میں حائل رکاوٹوں کو دور کرلیا گیا ہے، لیکن جنوری 2021ء میں بھی فیس بک کی جانب سے ڈیجیٹل کرنسی لبرا کا محدود ورژن ہی متعارف کرایا جا سکے گا۔ فی الحال فیس بک امریکی ڈالرز والی ڈیجیٹل کرنسی پیش کررہا ہے، تاہم بعد میں کسی وقت اس پروجیکٹ میں مزید کرنسیوں کو بھی شامل کیا جائے گا۔
قبل ازیں فیس بک نے لبرا کو مختلف قیمتوں کے لحاظ سے ڈیجیٹل سکّوں کی شکل میں پیش کرنے کا فیصلہ کیا تھا، تاہم اب پالیسی میں تبدیلی ممکن ہے۔ لبرا کی پیشکش میں حائل رکاوٹوں میں سب سے بڑی مشکل اکتوبر 2019ء میں پے پال، ماسٹر ویزا اور ای بے وغیرہ کا خود کو فیس بک کی ڈیجیٹل کرنسی کے پروجیکٹ سے علیحدہ کرلینا تھا۔

Share this: