زبان زد اشعار

Print Friendly, PDF & Email

بنے کیونکر کہ ہے سب کار اُلٹا
ہم اُلٹے بات اُلٹی یار اُلٹا
(مومن خان مومنؔ)
……٭٭٭……
بہتے رہنے کا نام پانی ہے
جو گزر جائے زندگانی ہے
(ڈاکٹر نعیم کوہلی)
……٭٭٭……
بات کردار کی ہوتی ہے وگرنہ عارفؔ
قد میں انسان سے سایہ بھی بڑا ہوتا ہے
(راشد عارف)
……٭٭٭……
بہت چھوٹے ہیں مجھ سے میرے دشمن
جو میرا دوست ہے مجھ سے بڑا ہے
(اطہر نفیس)
……٭٭٭……
بڑے وثوق سے دنیا فریب دیتی رہی
بڑے خلوص سے ہم اعتبار کرتے رہے
(شوکت واسطی)

Share this: